ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴳ ⵉⵏⴰⵡⵏ ⵉⴳⵍⴷⴰⵏⵏ
ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⵕⵥⵥⵓⵎ ⵏ ⵓⵙⴳⴳⵯⴰⵙ ⴰⵣⵣⵔⴰⴼ 2005-2006 , ⴽⵟⵓⴱⵕ 2005
ⵜⴰⵎⴰⵣⵉⵔⵜ ⵏⵏⵖ ⵎⵇⵇⴰⵔ ⵜⴻⵜⵜⵣⵎⵎⴰⵎ ⵜⴰⵣⵣⵉⴳⵣⵜ ⵜⴰⴷⵎⵙⴰⵏⵜ ⵉⵜⵜⵓⵖⴹⴰⴼⵏ, ⵎⴰⵛⴰ ⵓⵔⵜⴰ ⵜⵙⵎⵓⵙⵙⴰ ⵜⵉⵣⵎⵎⴰⵔ ⵏⵏⵙ ⴰⴽⴽⵯ, ⴰⴼⴰⴷ ⴰⴷ ⴳⵉⵙ ⵜⵣⵣⵉⴳⵣ ⵙ ⵓⵙⴽⴽⵉⵔ ⴰⵏⵉⴷⴰⵏ, ⴷ ⵜⵡⴰⴷⴰ ⵜⴰⵏⴰⴼⵙⴰⵙⵜ ⵅⴼ ⵉⴹⴰⵕⵏ ⵏⵏⵙ ⵙ ⵙⵉⵏ, ⴳ ⵢⴰⵏ ⵓⵎⵢⴰⵙ ⴷ ⵓⵙⵎⴰⴷ ⴳⵔ ⵜⴳⵎⵉ ⴷ ⵜⴷⵉⵎⵓⵇⵔⴰⵟⵉⵜ, ⴷ ⴳⵔ ⵓⵙⵖⵓⴷⵓ ⵏ ⵢⵉⴳⵔ ⴰⵎⴰⵜⴰⵢ, ⴷ ⵜⵏⴽⵔⴰ ⵏ ⵢⵉⴳⵔ ⵓⵙⵍⵉⴳ ⵙ ⵜⵎⵍⴰⵍⵜ ⵏ ⵜⵎⴰⵍⵡⴰⵢⵜ ⵏ ⵜⵎⵔⵏⵉⵡⵜ. ⵜⴰⵎⵓⴽⵔⵉⵙⵜ ⵓⵔ ⵜⵜ ⵉⴳⵉ ⵉⵙ ⵏⵍⵍⴰ ⴷⴰⵜ ⵏ ⵜⵎⵓⴽⵔⵉⵙⵜ ⵉⵛⴷⴷⴰⵏ. ⵎⴰⵛⵛ ⴰⵛⴽⵓ ⴰⵔ ⵏⵙⵙⵔⵓⵙ ⵎⴰⵕⵕⴰ ⵏ ⵓⵥⴰⵥⵓ ⵏⵏⵙ ⴼ ⵓⵡⴰⵏⴽ ⵡⴰⵃⴷⵓⵜ ⵜⴰⵔ ⵓⵙⴷⵔⴰⵡ ⵏ ⵉⵎⵙⴽⴰⵔⵏ ⵢⴰⴹⵏⵉⵏ.
ⴰⴼⴰⴷ ⴰⴷ ⵏⴳ ⴰⵡⵜⵜⵓ ⵉ ⵜⵡⴰⴷⴰ ⴰⴷ ⵓⵔ ⵉⵏⵎⴰⵍⴰⵏ ⴼ ⵢⴰⵏ ⵓⴹⴰⵕ, ⵉⵍⵍⴰ ⴰⴽⴽⵯ ⴼⵍⵍⴰⵖ, ⴰⴷ ⵏⴰⴼ ⵉⴼⵙⵙⴰⵢⵏ ⵕⵡⴰⵏⵉⵏ, ⴳ ⵜⵉⵣⵉ ⴷ ⵢⵓⵙⴰⵏ, ⵙ ⵜⵖⵜⴰⵙⵉⵏ ⵜⵉⵎⵓⵣⴰⵍⵉⵏ ⴷ ⵉⵕⵡⴰⵏ, ⴷ ⵓⵙⵖⵉⵡⵙ ⴰⵎⵏⵍⵍⵉ ⴷ ⵉⵜⵜⵓⵏⴱⴰⴹⵏ, ⵏⵏⴰ ⵉⴳⴰⵏ ⵜⴰⵢⴰⴼⵓⵜ ⵏ ⵓⵙⴳⵎⵉ ⵉⵛⵏⴰⵏ, ⴷ ⵜⵙⴳⵎⵉ ⵜⴰⵙⵔⵜⴰⵏⵜ ⴷ ⵜⵏⴰⵎⵓⵏⵜ ⴷ ⵜⵎⴰⴷⵔⴰⵡⵜ. ⵣⵖ ⴰⴽⵓⴷ ⴰⵏⵏ ⵜⵍⵍⴰ ⵜⴰⵡⵏⴰ ⵏⵏⵖ ⴼ ⵜⵓⵚⴽⴰ ⵏ ⵜⴷⵍⵙⴰ ⵜⴰⵏⵎⵓⵔⵉⵜ ⵜⵓⵎⵏⵉⴳⵜ. ⵙ ⴰⵢⵍⵍⵉ ⵜⵓⵙⵉ ⴷ ⵓⵏⴰⵎⴽ ⵏ ⵓⵙⵏⴼⵍ ⵙ ⵜⵏⵍⴰⵢⵜ ⵏ ⵓⵏⵎⵓⵔⵉ ⴰⵎⵙⴽⴰⵔ-ⴰⵎⴰⵣⵣⴰⵍ - ⴰⵎⵙⵏⵜⴰⵢ, ⴷ ⵓⵎⴷⵔⴰⵡ - ⴰⵎⵙⵢⴰⴼⵓ, ⴳ ⵓⴷⵖⴰⵔ ⵏ ⵜⵓⵣⴷⵉⵔⵜ ⴷ ⵜⵏⴼⴰⵍⵍⵓⵜ ⴷ ⵜⵓⵇⵇⵍⴰ, ⴰⵢⵍⵍⵉ ⵉⵙⵖⴰⵡⵙⴰⵏ ⵙ ⵜⵥⵥⵉⴹⵕⴰ ⵉⴳⴳⵓⵜⵏ ⵏⵏⴰ ⵙ ⵜⵣⴷⵉ ⵜⵎⵔⵏⵉⵡⵜ ⵏ ⵓⵏⵎⵓⵔⵉ ⵙ ⵜⵏⵎⵎⴰⵔⴰⵡⵜ ⵏ ⵜⵎⵔⵏⵉⵡⵜ. ⵙ ⵓⵢⴰ ⵓⵔ ⵉⵜⵜⵓⵣⵎⴰⵔ ⴰⴷ ⵉⴱⵓⵖⵍⵓ ⵍⵎⵖⵔⵉⴱ ⵖⴰⵙ ⵙ ⵉⵖⴰⵍⵍⵏ ⵏ ⵜⴰⵔⵡⴰ ⵏⵏⵙ ⴷ ⵉⵏⵍⵍⵉⵜⵏ ⵏⵏⵙⵏ, ⴷ ⵜⵉⵔⵉⵜ ⵜⴰⵙⵓⵍⴰⵏⵜ ⴳ ⵓⵙⵏⴼⵍ ⵏ ⴰⵢⵍⵍⵉ ⴳⵉⵙⵏ ⵉⵍⵍⴰⵏ, ⵎⴽⵍⵍⵉ ⵓⵔ ⵉⵜⵜⵓⵣⵎⴰⵔ ⵓⵎⵓⴽⵏ ⵏ ⵜⵎⴰⵣⵉⵔⵜ ⴱⵍⴰ ⵏ ⴰⵎⵓⴽⵏ ⵏ ⵉⵡⴷⴰⵏ.
ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵙ ⵜⵎⵍⴷⴰ ⵏ ⵜⴼⵓⴳⵍⴰ ⵏ ⵓⴷⴰⴱⵓ, 30 ⵢⵓⵍⵢⵓⵣ 2007
ⵉⴳⴰ ⴰⵖ ⵜⵓⵎⵔⵜ ⴰⴷ ⵏⴻⵏⵢⴰⵍⴽⴰⵎ ⴷ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⴼⵔⵉⵇⵉ ⴰⵎⵣⵡⴰⵔⵓ ⴼ ⵜⴳⵎⵉ ⵜⴰⵏⴼⴳⴰⵏⵜ ⴳ ⵉⴼⵔⵉⵇⵢⴰ, ⵍⵍⵉ ⴷⴰⵔⵏⵖ ⵉⴳⴰⵏ ⴰⵙⵔⵙ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ. ⴰⵙⵙ ⴰⴷ, ⴰⵔ ⵏⵙⴼⵓⴳⵍⵓ ⴰⴽⵯⵜⵜⴰⵢ ⵡⵉⵙ ⵜⴰⵎ ⴼ ⵜⵉⵍⵉⵜ ⵏ ⵓⴷⴰⴱⵓ ⵏⵏⵖ, ⴳ ⵢⴰⵜ ⵜⴼⵔⴽⴰ ⵜⴰⵎⵣⵔⴰⵢⵜ, ⴳ ⵍⵍⴰⵏ ⵉⵎⵓⴽⵏⵏ ⴷⵔⴰⵏⵉⵏ, ⴷ ⵜⵎⵙⴰⵔⵉⵏ ⵏ ⵉⵎⴰⵍ. ⴳ ⵓⵎⵏⴰⴹ ⵏ ⵉⵙⵏⴼⵍⵏ ⴳⴳⵓⵜⵏⵉⵏ, ⴷ ⵜⵏⴰⵥⴰⵕⵉⵏ ⵍⵍⵉ ⴷ ⵉⵇⵇⴰⵏ ⴰⴷ ⵏⴰⵍⵍ ⵙ ⵓⵙⵎⴰⵇⵇⵍ ⴰⵎⴰⵜⴰⵢ ⵉⴼⴰⵡⵏ, ⴷ ⵓⵙⵡⵓⴷⴷⵓ ⵉⴳⴰⴷⴷⴰⵏ ⵉ ⵜⵎⵣⵡⵓⵔⴰ ⵍⵍⴰⵏⵉⵏ. ⴷ ⵜⵣⵣⵉⴳⵣⵜ ⴳ ⵓⵙⴷⵓⵙ ⵏ ⵜⵎⵙⴽⴰⵔ ⵍⵍⵉ ⵍⵍⴰⵏⵉⵏ. ⴷ ⵓⵙⵎⵖⵔ ⵏ ⵉⵎⵓⴽⵏⵏ ⵍⵍⵉ ⴷ ⵇⵇⴰⵏⵏⵉⵏ, ⵉ ⵓⵚⴽⵓ ⵏ ⵍⵎⵖⵔⵉⴱ ⵏ ⵉⵎⴰⵍ. ⵍⵎⵖⵔⵉⴱ ⵏ ⵜⵙⵏⵜⴰⵢⵉⵏ ⴷ ⵜⵎⵙⴽⴰⵔ, ⴷ ⵉⵙⴰⵡⵓⵔⵏ ⴷ ⵉⵎⵉⵥ ⵏ ⵜⵏⴰⵥⴰⵕⵉⵏ, ⵉⴽ ⵏⵏⴰ ⵉⴳⴰ ⵓⵏⵛⴽ ⵏ ⵜⵏⴰⵥⴰⵕⵉⵏ. ⴰⴱⵔⵉⴷ ⵏⵏⵖ ⵉⴳⴰ ⵜ ⵜⴰⵎⵢⴰⴷⴰⵙⵜ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ, ⴷ ⵓⴱⴷⴷⴰⴷ ⴼ ⵉⵎⴰⵏ ⵏⵏⵖ ⴷ ⵉⵙⵓⴳⴰⵎ ⵏⵏⵖ ⵉⵏⴼⴳⴰⵏⵏ, ⵍⵍⵉ ⵉⴳⴰⵏ ⴰⴼⵓⵍⴽⵉ ⵉⵥⵉⵍⵏ ⵍⵍⵉ ⵉⵥⴹⴰⵕ ⵓⴼⴳⴰⵏ ⴰⴷ ⵜ ⵉⵜⵜⵔ ⵖ ⵕⴱⴱⵉ ⵏⵏⵙ.
...
ⵎⴽ ⵏⵏⴰ ⵜⴳⴰ ⵜⵍⵍⵓⴳⵏⴰ ⵏ ⵜⴷⵉⵎⵓⵇⵔⴰⵟⵉⵜ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵏⵎⵓⵔⵉⵜ ⵜⴰⵇⴱⵓⵔⵜ, ⴷⴰ ⵏⵥⵕⵕⴰ ⵎⴰⵙ ⴷ ⵉⵇⵇⴰⵏ ⵓⵙⵎⴰⴷ ⵏⵏⵙ ⴷ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⵜⴰⵎⴰⵢⵏⵓⵜ. ⴰⵢⵍⵍⵉ ⵔⴰⴷ ⴰⵖ ⵢⴰⵡⵙ ⴰⴷ ⵏⴰⵎⵥ ⵚⴰⵃⴰ ⵙⴳ ⵎⴰⵕⵕⴰ ⵏ ⵜⵎⵓⵣⴰⵢⵉⵏ ⵜⵉⵏⴰⵎⵓⵔⵉⵏ ⴷ ⵜⵙⴳⴰⵡⴰⵏⵉⵏ, ⴷ ⵡⴰⵎⵓⵏ ⴰⵖⵔⵎⴰⵏ ⵍⵍⵉ ⵉⵙⵡⵓⵔⵉⵏ, ⴷ ⵎⴰⵕⵕⴰ ⵜⵓⴷⴷⵉⵙⵉⵏ ⵜⵓⴷⴷⵉⵔⵉⵏ ⵏ ⵜⵎⵜⵜⵉ, ⴷ ⵉⵖⴱⵓⵍⴰ ⴷ ⵉⴼⵔⴷⴰⵙ ⵏⵏⵙⵏⵜ, ⵎⴽ ⵏⵏⴰ ⵉⴳⴰ ⵓⴷⵖⴰⵔ ⵏⵏⵙⵏⵜ, ⵍⵍⵉ ⵉⵟⵟⴰⴼⵏ ⴰⵙⵡⵉⵔ ⵏⵏⵙⵏⵜ ⴷⴰⵔⵏⵖ, ⴷ ⵓⵎⵏⵉⴷ ⵏⵏⵙⵏⵜ ⵉⵜⵜⴰⵡⵇⵇⴰⵔⵏ ⴳ ⵜⵖⴰⵡⵙⴰ ⵜⴰⵎⴰⵜⴰⵢⵜ, ⴳ ⵓⵎⵏⴰⴹ ⵏ ⵜⵅⵅⵓⵜⵔⴰ ⵏ ⵓⵙⵍⴳⵏ ⴷ ⵓⵡⴰⵏⴽ ⵏ ⵜⵎⵔⵙⴰⵍ. ⵎⴰ ⴰⴷ ⵢⵓⵎⴰ ⵜⵉⵎⵙⴰⵔⵉⵏ ⵜⵉⵅⴰⵜⴰⵔⵉⵏ ⵏ ⵜⵎⵜⵜⵉ. ⵉⴽ ⵏⵏⴰ ⴳⴰⵏ ⵡⴰⴷⴷⴰⴷⵏ, ⵉⵇⵇⴰⵏⴷ ⴰⴷ ⵏⵙⵎⵏⵉⴷ ⵜⵉⵙⵓⵎⴰⵔ ⵏⵏⵙⵏⵜ ⴷⴰⵜ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵥⵍⵉⵏⵉⵏ ⵃⵎⴰ ⴰⴷ ⵜⵏⵜ ⵜⵣⵣⵔⵉ.
ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⵕⵥⵥⵓⵎ ⵏ ⵓⵙⴳⴳⵯⴰⵙ ⴰⵣⵣⵔⴰⴼ 2008-2009 , ⴽⵟⵓⴱⵕ 2008
ⵀⴰ ⵏⵏ ⵏⵎⵎⴰⵖ ⴼ ⵓⵙⵎⵀⵍ ⵉⵥⵉⵍⵏ ⵏ ⵜⵉⵍⴰⵍ ⵏ ⵜⵎⵔⵙⴰⵍ, ⵙ ⵜⵡⵉⵣⵉ ⵏⵏⵙⵏⵜ ⵙ ⵜⵖⴰⵔⴰⵙⵜ ⵉⴷⵓⵙⵏ ⴳ ⵓⵙⵎⵀⵍ ⵏ ⵉⵙⵜⴰⵢⵏ ⵉⵏⴰⵎⵓⵔⵏ ⵉⵅⴰⵜⴰⵔⵏ, ⴷ ⵓⵙⴽⵔ ⵏ ⵎⴰⴷ ⵏⵙⵜⵉ ⵙ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ, ⴷ ⵎⴰⴷ ⴳⵉⵙ ⵉⵍⵍⴰⵏ ⴳ ⵜⴳⵎⵉ ⵉⴷⵔⴰⵏ ⴷ ⵉⵎⴰⵏ ⵏ ⵜⵏⵎⵓⵔⵉ.
ⵙ ⵜⵡⵉⵙⵉ ⵏ ⵕⴱⴱⵉ, ⵔⴰⴷ ⴱⴷⴷⵖ ⴰⴷ ⵉⵣⵣⵉⴳⵣ ⵍⵎⵖⵔⵉⴱ ⵙ ⵉⵥⵎⵓⵥⵥⴰⵍ ⴷⵓⵙⵏⵉⵏ ⴳ ⵓⴱⵔⵉⴷ ⴰⴷ ⵢⴰⵙⵜⵡⴰⵏ, ⵃⵎⴰ ⴰⴷ ⵏⵍⴽⵎ ⴽⵉⴳⴰⵏ ⵏ ⵜⵣⵣⵉⴳⵣⵜ ⴳ ⵓⴱⵔⵉⴷ ⵏ ⵜⴰⵎⵓⵏⵜ ⴷ ⵓⵔⴳⴳⵉⴳ ⴷ ⵓⵙⵎⵖⵔ ⴷ ⵓⴱⵓⵖⵍⵓ.
ⴰⴱⵔⵉⴷ ⵏⵏⵖ ⵉⵍⵍⴰ ⴳ ⵓⵙⵙⵔⵇⴱ ⵏ ⵜⵙⵏⵜⴰⵢⵉⵏ ⴳ ⵜⵍⵍⴰ ⵜⵢⴰⴼⵓⵜ, ⴷ ⵓⵙⵔⵙ ⵏ ⵜⴼⴰⴷⵉⵡⵉⵏ ⵏ ⵜⵣⵣⵉⴳⵣⵜ ⵉⴷⵓⵙⵏ, ⴷ ⵓⵙⵎⵖⵔ ⵏ ⵓⵏⵢⴰ ⵏⵏⵙ. ⴰⵡⵜⵜⴰⵙ ⵏⵏⵖ ⴰⵙⵖⵔⵜ ⵏ ⵜⵎⵔⵙⴰⵍ ⵏⵏⵖ, ⵙ ⵜⵏⵏⵓⴱⴹⴰ ⵉⵥⵉⵍⵏ, ⴷ ⵜⵢⴰⴼⵓⵜ ⵏ ⵜⴷⵎⵙⴰ ⵏⵏⵖ, ⴷ ⵡⴰⵎⵓⵏ ⵏⵏⵖ ⵙ ⵓⵎⵢⴰⵡⴰⵙ ⵏⵏⵙ, ⵉ ⵓⵙⵔⵅⵓ ⵏ ⵜⵎⵏⵜⵍⵉⵏ ⵏ ⵜⵏⵎⵓⵔⵉ ⵉⴷⵓⵙⵏ, ⴷ ⵜⵓⴷⵔⵜ ⵏ ⵡⴰⴷⴷⵓⵔ, ⵉ ⵓⵎⴰⴷⴰⵏ ⵏⵏⵖ ⴰⵎⵙⵓⴼⵓ, ⵙⵍⴰⵡⴰⵏ ⴰⴽⴽⵯ ⵡⵉⴷⴰ ⴳⵉⵙ ⵓⵔ ⵟⵟⴰⴼⵏⵉⵏ ⵢⴰⵜ.
ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵜⴼⵓⴳⵍⴰ ⵏ ⵓⴷⴰⴱⵓ, 30 ⵢⵓⵍⵢⵓⵣ 2015
ⵎⵇⵇⴰⵔ ⵍⵍⴰⵏⵜ ⴽⵉⴳⴰⵏ ⵏ ⵜⵎⵓⴽⵔⵉⵙⵉⵏ ⴷⴰⵜ ⵏⵏⵙⵏ, ⴷⴰ ⵏⵜⵜⵣⵎⵎⵉⵎ ⵙ ⵓⵙⵓⵏⴼⵓ ⵜⵓⴳⵜ ⵏ ⵡⵉⵍⵍⵉ ⴷ ⵜⵜⵓⵔⵔⴰⵢⵏⵉⵏ, ⴽⵓ ⴰⵙⴳⴳⵯⴰⵙ ⵉ ⵓⵔⵣⴰⴼ ⵏ ⵜⵎⴰⵣⵉⵔⵜ ⵏⵏⵙⵏ ⴷ ⵉⵃⴱⵉⴱⵉⵏ ⵏⵏⵙⵏ.
ⵙ ⵖⵎⴽ ⴰⵏⵏ, ⴰⵔ ⴰⵙⵏ ⴱⴷⴷⴰ ⵏⵜⵜⵉⵏⵉ ⴰⵙⵓⵜⴳ ⵏⵏⵖ ⵉ ⵜⴰⵢⵔⵉ ⵏⵏⵙⵏ ⵏ ⵜⵎⵓⵔⵜ ⵏⵏⵙⵏ, ⴷ ⵓⵅⵎⵎⴻⵎ ⵏⵏⵖ ⵖ ⵓⴼⵔⴰⴳ ⵏ ⵜⵏⵓⴼⴰ ⵏⵏⵙⵏ. ⵉ ⵓⵙⴷⵓⵙ ⵏ ⵉⵎⵖⵔⵉⴱⵉⵢⵏ ⵏ ⴱⵕⵕⴰ ⴳ ⵜⵓⴷⵔⵜ ⵜⴰⵏⴰⵎⵓⵔⵜ, ⴰⵔ ⵏⴰⵇⵔⴰ ⵉ ⵓⵙⵎⵀⵍ ⵏ ⵜⵓⵎⴰⵢⵉⵏ ⵏ ⵓⴷⵓⵙⵜⵓⵔ ⴳ ⵎⴰⴷ ⵉⵥⵍⵉⵏ ⵙ ⵓⵙⵉⴷⴼ ⵏ ⵉⴳⵯⵏⵙⴰⵙⵏ ⵏⵏⵙⵏ ⴳ ⵜⵎⵔⵙⴰⵍ ⵏ ⵓⵎⵛⴰⵡⴰⵕ ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ ⴷ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ...
…
